LAOAG CITY – Naminsan manen a nagballaag ti Bangko Sentral ng Pilipinas (BSP) kagiddan ti naipadamag a panagwaras ti peke a kuarta idiay Aklan.
Segun ken ni Victor Ariel Dey, acting area director ti Bangko Sentral ng Pilipinas Roxas Branch a masansan a P1,000 ken P500 ti mapekpeke isu nga inabisoanna nga usaren ti “Feel-Look-Tilt” method iti panangkita ti security features ti aw-awaten a kuarta tapno masigurado a pudno dagitoy.
Nadakamat a sumagmamano a vendors idiay Aklan nangruna kadagiti natataengan a nabiktima ti agwarwaras a peke a P1,000 bills no sasdinno a naudin idi naammoanda a peke ti naibayad kadakuada.
Inpasigurado ti Bangko Sentral ng Pilipinas nga iberberipikardan dagiti report mainaig iti maipagarup a counterfeit money idiay Aklan.
Ti panangpeke iti kuarta ket addaan ti kaibatuganna a pannusa kas ti pannakaibalud ti agingga iti 12 a tawen ken multa nga agingga iti P2 milyon iti babaen ti Republic Act No. 10951.
Naammoan nga adda pay dagiti dadduma nga indibidual iti Western Visayas ti napilaan ti kaso kriminal gapu iti peke a kuarta.
