LAOAG CITY – Umabot iti US$2.87 bilyon ti cash remittances manipud kadagiti Overseas Filipino Workers (OFWs) idi Marso 2026 basar iti Bangko Sentral ng Pilipinas (BSP).
Ngimmato daytoy ti 2.8 percent maidasig iti US$8.44 bilyon a nairekord manipud Enero agingga Marso 2025 a nagbalin nga US$8.68 bilyon iti kapada a panawen ti 2026.
Nagtalinaed a kangrunaan a paggapgapoan ti remittances ti Estados Unidos a sinaruno ti Singapore ken Saudi Arabia.
Dagitoy a pagilian ket addaan ti dakkel a bilang dagiti Pilipinong a mangmangged iti sektor ti salun-at, teknolohia ken serbisio.
Kabayatanna, ti personal remittances pakairamanan ti cash a naipatulod iti babaen ti bangko, informal channels, ken remittances in kind ket umabot iti US$3.20 bilyon idi Marso 2026.
Iti year-to-date a datos, ngimmato pay daytoy ti 2.8 percent manipud US$9.40 bilyon idi Enero-Marso 2025 a nagbalin a US$9.66 bilyon iti kapada a panawen ti 2026.
Napateg ti remittances kas maysa kadagiti kadakkelan a pangal-alaan ti foreign exchange reserves ti Pilipinas.
