LAOAG CITY – Inpakaammo ni Vice Mayor Jonathan de Lara iti ili ti Solsona a naaprubaranen ti CCTV ordinance ti nasao nga ili.
Nu pay kasta, kuna na a maiyur-uray pay laeng ti panangaprubar ti Sanngunian Panlalawigan.
Inbatad na nga apaman a maaprubaran ket dagus a maiyimplimentar daytoy intuno 2023.
Inlawlawag ni de Lara a namunganay ti pannakaipasa ti ordinansa tapno ad-adda a maikkan ti seguridad dagiti nagduduma a pasdek negosyo ken establisyimento iti ili ti Solsona.
Kuna na a dagiti addaan ti gross income a 1.5 milyon a pisos agpangato ket isuda ti kangrunaan a maaddaan ti CCTv ken adda pay ti dadduma a probisyon ti ordinansa.
Innayun na a masapol met nga high definition ti camera dagiti CCTV tapno nalawlawag ken nu kasapulan ket alisto a madeterminar dagiti adda iti video.
