LAOAG CITY – Simmayaaten ti kondision ni dati a Department of Public Works and Highways (DPWH) Secretary Manuel Bonoan kalpasan a nagtumar ken nakainana basar iti Philippine National Police (PNP) Health Service.
Nadakamat a nagtalinaed iti Philippine National Police General Hospital iti Kampo Krame idiay Quezon City ni Bonoan kalpasan a ngimmato ti blood pressure daytoy nga umabot iti 192/100.
Kagiddan daytoy ti panagsukona idi kalman iti Criminal Investigation and Detection Group (CIDG) mainaig iti kaso a plunder nga adda ti koneksion iti flood control scandal no sadinno a kaduana iti nasao a kaso da Senador Jinggoy Estrada ken tallo a dadduma pay.
Inbatad ni Philippine National Police Health Service Director PBGen. Portia Manalad, depende no maipaayan ni Bonoan ti clearance ti attending physician ken no addan ti kiddaw ti Criminal Investigation and Detection Group a mabalinen daytoy a ma-discharge ita nga aldaw tapno sumango iti Sandiganbayan.
