LAOAG CITY – Inaprobaran ti Sandiganbayan ti kiddaw nga hospital arrest ni dati a Department of Public Works and Highways (DPWH) Secretary Manuel Bonoan.
Iti naiparuk-at a resolution ti Fifth Division ti Sandiganbayan, palubosan daytoy nga agtalinaed iti Philippine National Police (PNP ) General Hospital iti Camp Crame ken saan nga iti The Medical City.
Nakailanad iti mosyon ti abugado ti dati a sekretario a gapu iti tawen daytoy ken marikrikna a sakit ket napateg nga agtalinaed isuna iti ospital.
Agtalinaed ni Bonoan iti Philippine National Police General Hospital kabayatan a nakapenpen pay ti kasona.
Maipalagip a naitaray iti ospital ti dati a sekretario kalpasan a naiparuk-at ti warrant of arrest daytoy gapu iti kaso a plunder manipud iti Sandiganbayan.
Kadua ti dati a sekretario a sumangsango iti kaso a graft ken plunder da Senador Jinggoy Estrada ken dadduma pay gapu iti anomalya iti flood control project.
