LAOAG CITY – Naiget nga ipatpatungpal ti City Environment and Natural Resources Office ditoy siudad ti Laoag ti “No Burning Policy.”
Segun ken ni Mrs. Mylene Pascual, mangidadaulo ti City Environment and Natural Resources Office ditoy siudad ti Laoag a kaduada ti Liga ng mga Barangay iti panangipatungpal daytoy a pagalagadan ditoy siudad.
Inbatadna nga ammon ti amin a maipawil ti agpuor gapu iti dakkel nga epektona daytoy saan laeng iti aglawlaw no diket kangrunaanna iti salun-at iti maysa a tao.
Inlawlawagna nga imbes a puuran dagiti basura kas kadagiti agruprupsa ket ikali lattan gapu ta agbalin met daytoy nga organic fertilizer.
Kabayatanna, nagpalagip ni Pascual kadagiti umili a saan nga agpuur aglalo ita a nabara ti paniempo gapu ta mabalin a mangitunda ti dakkel a problema no daytoy ket dumakkel wenno agramram.
