LAOAG CITY – Nangisayangkat ti Community Bamboo Propagation and Nursery Initiative Training ti City Environment Natural Resources ditoy siudad ti Laoag.
Ti nasao a training ket nakipartisiparan dagiti 80 a mannalon ken agtutubo no sadinno a napili ti barangay-da gapu ta addaan dagitoy ti public forest ken agbalindanto a katulungan ti gobierno iti bamboo program.
Segun ken ni Ms. Mylene Pascual, ti mngidaulo ti City Environment Natural Resources ditoy siudad ti Laoag, a kangrunaan a gagem ti aktibidad ti panangsaluad ti aglawlaw no sadinno a mabalinda a mangaramat iti panagaramid ti nagduduma a produkto a mabalin nga ilako ti publiko manipud ti bamboo.
Ti aktibidad ti indauluan ti ity Environment Natural Resources babaen ti pannakibinnulig ti City Agriculture Office.
Mainiag iti daytoy, inpanamnama ni Mayor James Bryan Alcid ti suporta ti gobierno siudad daytoy a programa para ti panagtultuloy ti produksion ti kawayan.
