LAOAG CITY – Sinelebraran ti maika-100 a tawen ti maysa a centenarian iti Brgy. Francisco iti ili ti Dingras.
Nabigbig ti centenarian a ni Casimiro Sebastion residente iti nasao a barangay.
Segun kenni Mr. Franklin Sebastian, anak ni Tata Casimiro, nadanun na ti tawen na gapu ti pannakasalwad ti salun-at na.
Kuna na nga adu ti trabaho ni Tata Casimiro kas iti panagbalsig ti kayo, agdalus ngem saanen a makapagtrabaho iti taltalon.
Inpakaammo na a kabaelan pay laeng ti ama na ti agdalus iti arubayan ti pagtaengan da ken makapan nga agdalus iti bangir a pagtaengan da.
Inbatad ni Sebastian a gagangay a pannangan iti nateng ken karne ti ipapauneg ti ama na rason a nadanun na ti 100 a tawen.
Inadmitir na nga agtkabo ti ama na it sagpaminsan ngem saan nga umin-inom ti nasanger.
Kabayatanna, agpatpatulong ti apoko ni Tata Casimiro a ni Jonard Sebastian no kasano a maiprosesso dagiti dukomento tapno magundawayan da ti benepisyo para kadagiti makaabot iti tawen a 100.
