LAOAG CITY – Ad-adda pay a mapaigetan dagiti maiyuswat a checkpoints iti nagduduma a lugar ditoy probinsya para iti mapas-pasangasangan nga eleksyon.
Daytoy ti inbatad ni Police Chief Inspector Rely Layug, ti mangidadaulo iti Police Community Relations Office iti Ilocos Norte Police Provincial Office (INPPO).
Inlawlawag na a regular nga iyus-uswat da ti checkpoint ngem iti panangrugi ti election period ken gun ban intono Enero 13 ita a tawen ket ad-adda pay a paigetan da.
Mainaig ti daytoy, kuna ni Layug a masapol a dagiti mangiyuswat ti checkpoint ket naka-complete uniform.
Innayon na nga ad-adda a dagiti nakamotorsiklo ti sitaen da ta isu ti masansan a maus-usar iti nagduduma a krimen ken gapu ta alisto laeng a mailusot.
