LAOAG CITY – Inpetteng ti maysa a pannakabagi iti Civil Service Commission (CSC) ditoy probinsya a saan a napintas a kitaen ti panagus-usar ken panagay-ayam iti cellphone dagiti empleado iti gobierno.
Immunan nga inrakurak ni Commissioner Aileen Lourdes Lizada a saan a rumbeng nga agusar ti cellphone dagiti empleado ti gobierno no madama ti panagtrabaho da.
Inpetteng na a mausar laeng ti cellphone no adda iti emergency.
Inpalagip ni Lizada ti CSC Resolution No. 170-1077 wenno Rules an Administrative Cases in the Civil Service a siasinno man a matiliwan nga agus-usar wenno agay-ayam ti cellphone nga empleado ti gobierno ket mapatawan iti innem agingga iti maysa a tawen a pannakasuspenso, ken mabalin pay a maikkat sa iti serbisyo.
