LAOAG CITY – Saan pay a mapagsardeng dagiti puersa ti gobyerno dagiti sniper ti terorista.
Daytoy ti inpakaammo ni Col. Emmanuel Garcia, commander ti 4th Civil Relation Group iti WestMinCom.
Kuna na a nupay bassit laengen ti panagpaputok dagiti terorista ken bassit ti bala dan ket nakapuesto latta dagiti sniper ti kabusor.
Inbatad ni Garcia nga uray awan dagiti armado a grupo ket mabalin nga adda latta dagiti nakaimula nga improvised explosive device iti nagduduma a lugar.
Saan pay a maibaga ni Garcia ti eksakto a bilang ti aldaw sakbay a mapagtalna da ti sitwasyon iti siudad ti Marawi.
Nupay kasta, agtultuloy ti clearing operation dagiti soldado tapno awan ti madesgrasya a tao no agsubli dan iti nasao a lugar.
