LAOAG CITY – Nalpasen ti clearing operation iti ili ti San Nicolas seknan iti African Swine Fever.
Segun ken ni Dr. Loida Valenzuela, Provincial Veterinarian, nairugi ti nadakamat nga operasion kalpasan ti disease investigation tapno insigida a malappedan ti panagiwaras ti nasao a sakit kadagiti baboy.
Kinunana a maiyur-uray laengen ti resulta ti laboratory test samples manipud iti agarup tallo ribu a baboy.
Innayonna nga awan pay ti sabali nga ili ditoy probinsia a nakumpirmaran a naapektaran ti African Swine Fever, ngem under investigation dagitoy.
Naballaag ni Dr. Valenzuela kadagiti oportunista a a mangundaway iti sitwasyon tapno maibaba ti presyo ti live weight ti karne ti baboy.
Maipalagip nga immununan a kinumpiramaran ni Brgy. Chairman Frederico Simpliciano iti Brgy. 16 iti ili ti San Nicolas nga adda dagiti baboy nga inkali wenno kinuriente iti barangayanda gapu iti nasao a sakit.
Iti agdama, mannarimaan ti surveillance kadagiti sumagmamano nga ili ditoy probinsia tapno insigida a malapdan ti pannakaiwaras ti African Swine Fever.
