LAOAG CITY – Inpakaammo ti French entomologist a ni Anna-Bella Failloux ti Pasteur Institute ti padasna iti pananglaban kadagiti gubuay kadagiti lamok kalpasan a dimmakkel iti Tahiti no sadinno a naruay a tattao ti naapektaran ti elephantiasis manipud iti kagat ti lamok.
Inbatadna a ti dati ket tropical areas laeng ti apektado ngem gapu iti climate change ket nalawlawan ti lugar a pagtataudan dagiti lamok iti intero a lubong.
Inpettengna a dagiti lamok ket mabalin a mangitunda ti dengue, yellow fever, chikungunya ken Zika virus nga agbalbalin a pangta uray kadagiti pagilian a saan met a tropikal dati.
Basar iti World Health Organization (WHO), 80% ti populasion iti intero a lubong ket adda iti risgo a ma-expose kadagitoy a sakit a mangpatpatay ti maysa a milyon a biag iti kada tawen.
