LAOAG CITY – Dinutukan ni Mayor James Bryan Alcid kas Officer-In-Charge iti Tourism Officer ditoy ciudad ti Laoag a ni Mrs. Mary Jane Leaño a mangidadaulo iti Communications and Media Office.
Daytoy ket kalpasan a nakita ti mayor a kabaelan ni Leaño nga aramiden ti trabaho iti tourism office.
Kuna na a napintas daytoy nga addang gapo ta maymaysa laeng ti mangimatmaton iti dua a pangopisinaan iti gobierno lokal ditoy ciudad ti Laoag.
Innayon ti mayor a makainot pay ti city government gapo ta saan dan a kasapulan pay ti mangala ti baro nga empleyado a masweldoan.
