LAOAG CITY – Nagballaag ni Health Secretary Ted Herbosa iti community transmission ti mpox kalpasan nga inrakurak ti Pilipinas ti umuna a kaso daytoy sipod nga indeklara ti World Health Organization ti public health emergency iti sakit.
Inbatad ti Department of Health a ti umuna a kaso ita a tawen ket maysa nga agtawen iti 33 a lalaki manipud idiay Metro Manila nga awan ti history-na a napan iti ballasiw-taaw.
Ti pasiente ket aggurigor ken adda ti lamma ti rupana, bukot, teltel, bagi, singit, ima ken dagiti sakana.
Naammoan nga adda isuna iti maysa nga ospital ti gobierno idi nakumpirmaran nga adda ti mpox case iti napan a lawas.
Maipalagip a ti Mpox ket maysa a sakit a gubuay iti monkeypox virus. Maysa a zoonotic disease, ti Mpox ket maala dagiti tattao manipud kadagiti ayup.
Basar iti Centers for Disease Control and Prevention (CDC), ti virus ket paset ti kapada a pamilia ti virus a mangitunda ti panagtutukel ngem saan daytoy a maiyarig iti panagtuko.
