LAOAG CITY – Nagballaag ti maysa nga opisyal ti United States Embassy ti publiko kontra kadagiti fixer mainaig ti panagala ti visa.
Iti eksklusibo nga interview ti Bombo Radyo Laoag ken ni Consular Manager Leon Gendin, inbatad na a maysa a gagangay nga scam dagiti fixer ket ti panagpammarang da nga agtrab-trabaho da iti US Embassy.
Inbalakad ni Gendin a masapol a dumalan ti publiko iti umiso a proseso tapno makaala ti visa.
Inpasingked ni Gendin nga amin a records dagiti mangala ti visa ket confidential ken kuna na nga awan ti quota da para iti daytoy.
Innayon na a dagiti kasapulan a requirements ket makita amin iti website ti embahada ti amerika ditoy pagilyan.
