LAOAG CITY – Nakairekord ti gobierno siudad ti Quezon City ti 146 a kaso ti COVID-19 agingga idi Hulio 1, basar iti datos ti City Epidemiology and Surveillance Division (QCESD).
Iti report ti lokal a gobierno, ngimmato ti sumurok 265% dagiti kaso iti uneg laeng ti tallo a lawas.
Manipud iti 23 a kaso a nairekord idi Mayo 21 agingga Hunio 10, ngimmato daytoy ti 84 a kaso manipud Hunio 11 agingga Hulio 1.
Basar iti datos, kaadoan a naakaran ket dagiti ubbing nga agtawen ti 14 agpababa a bukbuklen ti agarup 30% ti pakabuklan a kaso.
Simmaruno dagiti agtawen ti 25 agingga 29 ken dagiti senior citizens nga 60 agpangato nga agpada nga adda iti sumurok-kumurang 16%.
Ad-adu ti nairekord a kaso kadagiti babbai maidasig kadagiti lallaki.
Adda ti sumagmamano pay nga healthcare workers a tinamaan ti virus.
