LAOAG CITY – Ginutigot ti gobierno probinsial ti Bulacan ti publiko nga agisuot ti face mask, agbuggo ti ima ken dadduma pay tapno makaliklik iti naipadamag a kaso ti COVID 19 iti sumagmamano a paset ti pagilian.
Basar iti memorandum nga inparuk-at ni Governor Daniel Fernando, inallukoyna dagiti amin a mangidadaulo iti siudad ken ili pakairamanan dagiti amin a pampubliko ken pribado a pagadalan ken amin a mangidadaulo ti opisina ti ospital ti panangipatungpal dagiti addang iti panangliklik iti COVID-19 ken dadduma pay a respiratory illnesses.
Immunan a nakaipalaon iti pammilin ti panagisuot ti face mask kadagiti dupudop a lugar, pampubliko a lugar, health facilities nangrua kadagiti addaan ti sintomas ti respiratory illness.
Sumurot iti regular nga hand hygiene iti babaen ti masansan a panagbuggo ti ima babaen ti sabon ken danum wenno panagusar ti alcohol-based hand sanitizer.
