LAOAG CITY – Nagkakaribuso ti adu a tattao iti isasanglad ti cruiseship iti Currimao port.
Segun kenni Provincial Tourism Officer Ianree Raquel, ti Superstar Virgo cruiseship ket simmanglad iti agarup 1.2 a milya agingga 1.4 a milya manipud iti igid ti baybay
Nailugan dagiti turista iti sumagmamano a tender boats wenno babassit a bangka a makakarga ti 150 a tattao.
Kuna ni Raquel a nasurok a 2,000 dagiti turista a naglugan ti cruiseship nga agpasyar iti nagduduma a tourist spots iti siudad ken dagiti historical ken cultural landmarks kas iti Fort Ilocandia Resort Hotel, ken ti famous sand dunes ti probinsya ken sabsabali pay.
Manipud iti Currimao port ket agturong ti cruiseship idiay Kaohsiung, Taiwan ken sumaruno idiay Hongkong.
Iti isasanglad ti cruiseship iti Currimao port ket paset ti addang ti gobyerno ti probinsya a mangipadur-as ti industriya ti turismo ditoy probinsya.
