LAOAG CITY – Ikonkonsiderar ti Department of Agriculture (DA) ti suggested retail price (SRP) a P53/kilo para iti local rice.
Inrakurak daytoy ti Department of Agriculture kalpasan nga adda ti naaramid a katulagadan iti nagbabaetan da Agriculture Secretary Francisco Tiu Laurel ken dagiti rice industry stakeholders para iti pannakaikeddeng ti suggested retail price a P53 ti kada kilo para iti local rice.
Kuna na a kinonsultar na dagiti rice millers ken industry groups, no sadinno nga inanamongan da ti P53 per kilo a suggested retail price ti bagas.
Nupay kasta, inlawlawag ti sekretaryo a dagiti market players ket mabalin da latta nga ilako dagiti produkto da a bagas iti nababbaba a presyo.
Maipalagip nga iti napalabas a lawas ket nangipatungpal ti gobierno ti P50 price cap iti imported rice nga agepekto iti uneg ti 30 nga aldaw.
