LAOAG CITY – Inaprobaran ti Department of Agriculture (DA) ti panagangkat ti breeder a kalding ken karnero a gagem na a mapadur-as ti genetics iti local livestock ken iti goat and sheep industries ti pagilyan partikular iti Mindanao.
Segun kenni Agriculture Secretary Francisco Tiu Laurel Jr., inaprubaran ti ahensya ti panagangkat ti 1,520 breeder goats ken 4,310 a karnero tapno mapapogsa ti goat and sheep farming sectors ti Pilipinas.
Ti imported a kalding a pakairamanan ti 155 Anglo Nubian bucks, 175 Boer bucks, ken 1,190 Boer does ket maibunong kadagiti nucleus ken multiplier farms idiay Barili, Cebu, ken Makilala, North Cotabato idinto a ti karnero a bukbuklen met ti 260 Dorper rams ken 4,050 Dorper ewes ket maited idiay North Cotabato.
Nangiyalokar ti ahensya ti pondo para iti importasyon iti babaen ti 2024 budget ken awan met pay ti naituding a bidding process.
Mangisyu met ti National Livestock Program ti notice of award, ken masapol a maideliver ti mangabak a bidder dagiti angkaten ti Pilipinas a kalding ken karnero iti uneg ti 90 nga aldaw.
Tapno met masigurado ti kalidad dagitoy, dagiti imported goats and sheep ket masapol nga 6-15 months old ket maabot na dagiti specific weight requirements, ken dagiti imported sheep ket nasken a full-blooded ken aggapo kadagiti rehistrado a farm.
