LAOAG CITY – Mangipatungpal ti Department of Agriculture (DA), iti babaen ti Agricultural Credit Policy Council (ACPC), ti moratorium iti panagbayad ti utang para kadagiti kwalipkado a mannalon ken mangngalap kas paset ti addang ti gobierno kontra iti krisis iti enerhiya ken agtultuloy a panagngato ti gastos iti produksyon.
Segun iti ahensya, nabasar iti addang iti Administrative Order No. 2, series of 2017, a mangikedkeddeng ti guidelines ti Survival and Recovery (SURE) Program a mangipapaay ti tulong pinansyal kadagiti apektado ti kalamidad, krisis, ken dadduma pay nga economic disruptions.
Ti loan repayment moratorium ket maiyataday iti deklarasyon ni Presidente Ferdinand Marcos Jr. ti State of National Energy Emergency.
Iti babaen ti programa, dagiti DA-ACPC borrowers nga addaan ti agdama ket nabatbati nga utang ket mabalin nga agaplikar para iti pannakasuspenso ti panagbayad agingga iti maysa a tawen, depende iti panangtingiting ken panangaprubar ti partner lending conduits kas ti government financial institutions, rural banks, ken cooperative banks.
