LAOAG CITY – Ipangato ti Senate committee on finance ti subsistence allowance dagiti uniformed personnel ti gobierno babaen ti nailungalong a 2026 national budget.
Segun kenni Senador Sherwin Gatchalian, Chairman Ti Senate Finance Committee, maipangato ti subsistence allowance dagiti personnel ti Philippine Coast Guard, polis, ken dadduma pay nga uniformed personnel iti 350 a pisos manipud iti agdama a 150 a pisos.
Daytoy ket kalpasan nga inyakar ti komite ti 23.7 bilion a pisos manipud iti miscellaneous personnel benefit fund, iti rekomendasion ni Senador JV Ejercito.
Nasurok a 33,000 nga uniformed personnel manipud iti Philippine National Police, Philippine Coast Guard, Bureau of Jail Management and Penology, Bureau of Corrections, Bureau of Fire Protection, Philippine Public Safety College, ken National Mapping and Resource Information Authority ti magunggonaan iti daytoy.
Gagem daytoy nga addang a maipada ti subsistence allowance a maawat dagiti soldado.
