LAOAG CITY – Manamnama ita a tawen ti pannakaileppas ti dalan a pagkamangan ti dakkel a mall ken ti centro iti siudad ti Laoag.
Segun ken ni District Engineer Glen Miguel, P150 million ken nanayunan pay daytoy P50 million ti inisial a pondo ti nadakamat a proyekto.
Inlawlawagna nga adda ti maaramid a dalan a mapan iti by-pass bridge ken planplanoenda pay ti pannakaaramid ti kanayonanna pay a dalan iti baba ti rangtay a kumamang metlaeng iti centro ti siudad.
Malaksid iti daytoy, kidkiddawenda iti Regional Office ti posibilidadna ti kanayonanna pay a dalan nga agturong iti ili ti San Nicolas.
