LAOAG CITY – Balligi a naarestar ti maysa a kagawad iti naiyuswat a drug buy-bust operation iti Barangay Dolores iti ili ti Paoay no sadinno a maibilang pay ti suspek kas High Individual Value (HVI).
Ti suspek ket maysa a lalaki nga agtawen 47, dati a barangay Kagawad, naasawaan, ken residente ti Barangay Valdez iti ili Marcos.
Segun ken ni P/Maj. Reycar Almazan, ti Chief of Police ti Philippine National Police (PNP) Paoay a daytoy ket naarestar kalpasan ti panagpammarang ti maysa a police poseur buyer.
Nakumpiskar manipud ti suspek ti 1 heat-sealed transparent plastic sachet a maatap a shabu nga agdagsen ti 1.3 a gramo ken 2 a heat-sealed transparent plastic sachet nga agdagsen met 0.11 a gramo.
Pakairamanan pay kadagiti nakumpiskar ti 1 a genuine One-Thousand-Peso bill a nausar kas buy-bust money ken 5 a pidaso ti fake money kas boodle money, 1 a unit cellphone, ken 1 a White Toyota Conquest.
Iti agdama, adda ti suspek iti kustodiar ti pulis ken manarimaan ti pannakaisagsagana ti maipila a kaso kontra kenkuana a panaglabsing ti Republic Act 9165 wenno iti Comprehensive Dangerous Drugs Act of 2002.
