LAOAG CITY – Manamnama ti panangisubli ni dati a Department of Public Works and Highways (DPWH) Bulacan District Engineer Henry Alcantara ti P200 million iti gobierno kas paset iti restitution.
Segun iti Department of Justice (DOJ), posible nga isubli ni Alcantara ti kwarta iti sumaruno a lawas iti baet ti aplikasyon na iti Witness Protection Program (WPP).
Ummunan nga insubli ni Alcantara ti P110 million iti gobierno idi Nobiembre.
Idi laeng kalman, nagturong ni Alcantara iti Justice Department para iti agtultuloy a kooperasyon na iti imbestigasyon mainaig iti anomalya a flood control projects.
Ni Alcantara, ken dagiti dati a DPWH officials Roberto Bernardo, Brice Hernandez, ken Jaypee Mendoza, ket maikonsiderar kas “protected witness.”
Dagitoy ket adda iti babaen ti “provisional acceptance” iti Witness Protection Program.
Kabayatanna, kuna ni Justice spokesperson Polo Martinez a ti reklamo a pakairamana ni dati nga Ako Bicol Party-List Representative Zaldy Co ket naisubmitiren mas resolution.
Ni Co ket nainayun a respondent iti reklamo mainaig iti a ghost flood control project iti SYMS Construction idiay Bulacan.
