LAOAG CITY – Kinettel ti maysa a lalaki ti bukod na a biag iti maysa a warehouse a masarakan iti Barangay 50, Buttong ditoy ciudad ti Laoag.
Daytoy ti inbatad ni Police Lt. Col. Ryan Retotar, ti chief of police ditoy ciudad ti Laoag.
Segun ken ni Retotar, pasado alas-11:35 ti bigat ket adda ti naawat da a report a nakita ti maysa nga ama ti anak na a lalaki nga agtawen ti 23 a nakabitin ken awanen ti biagna, no sadinno a nagusar ti biktima ti monoblock ken tali.
Iti nakalap nga impormasyon dagiti otoridad, rumrumwar a ti nasao nga indibidwal ket dati a kandidato ti Mister Laoag.
Naamoan a sakbay ti insidente ket adda ti sabsabong nga isagot koma ti nobya na ngem saan nga inawat ti biktima rason a nagsakit ti nakem ti babai.
Gapu iti daytoy, nakisina ti babai iti nobyo na ngem isu met ti maipagarop a nagsakitan unay ti nakem ti lalaki a nangitunda ti panangkettel na iti bukodna a biag.
