LAOAG CITY – Nagballigi ti maysa a lalaki nga agtawen ti 90 iti maysa a major competition idiay Japan iti 85-and-over category.
Ni Kanazawa Toshisuke ket nakipaset iti 85-and-over division no sadinno kaduana pay iti innem a kalaban.
Daytoy ket maysa nga annual event no sadinno itampok dagiti veteran bodybuilders a naiyuswat iti suidad ti Hiroshima ita a tawen.
Umabot iti 200 nga atleta nga agtawen 41 agingga 90 iti nakipaset iti 13 a kategoria.
Iti preliminary stage, dagiti veteran bodybuilders ket nagperform iti agpapada a routine kabayatan nga iti finals, kada atleta ket naikkan ti maysa a minuto tapno agperform iti free-posing routine.
Gapu iti daytoy, nagun-od ni Kanazawa ti balligi ken kunana a kalikagumna ti agtultuloy a panagartap ti world records.
Naamoan a kakaselebrar na laeng ni Kanazawa ti maika-90 a panagkasangayna maysa nga aldaw sakbay ti kompetision.
