LAOAG CITY – Inkeddeng ni dati a Presidente Rodrigo Duterte a saan a personal nga agatendar iti pannakabasa ti sentensia iti interim release appeal-na iti International Criminal Court (ICC).
Naituding nga iruar ti desisyon ti ICC Appeals Chamber ti apela ti dati a presidente ita nga aldaw, Nobiembre 28 iti alas 5:30 ti malem, oras ti Pilipinas.
Inpakita abogadona a ni Nicholas Kaufman ti waiver a pinirmaan ti dati a presidente tapno usarenna ti karbengan na a saan a personal nga agatendar iti pannakaibasa ti desision ti apela ti depensa.
Gapo iti daytoy, ibagi ni Kaufman ti dati a presidente.
Sumangsango ti agtawen ti 80 a dati a presidente iti kaso a crimes against humanity gapo iti kampania na kontra iti iligal a droga.
