LAOAG CITY – Naitabonen ni dati a Presidente Fidel V. Ramos iti Libingan ng mga Bayani.
Ni Ramos, ti maika-12 a presidente ti Pilipinas ket naipaayan ti state funeral ken addaan ti full military honors.
Manipud iti Heritage Park, ti dapo ti dati a presidente ket nakadanon iti Presidential Section Gravesite iti pasado alas-onse itay bigat no sadinno binagkat ti miembro ti Ramos family, ken military chaplain ti nangidaulo iti final benediction.
Kabayatan ti funeral procession, adda ti Philippine Air Force chopper a nagitennag ti rose.
Basar iti pamilya ti dati a presidente, nangiyuswat a mismo ti Ramos idi sibibiag ti ocular inspection iti Libingan ng mga Bayani tapno madeterminar no sadinno a disso ti pakaitabunan na.
Kalpasan ti pannakakupin ti funeral flag, naipatukar dagiti kanta nga “Alerta Filipinas,” “How Great Thou Art,” ken”The Lord’s Prayer,” a kiddaw a mismo ti dati a presidente.
Ni Ramos ket naiyanak idi Marso 18, 1928 idiay Lingayen, Pangasinan babaen kada diplomat and lawmaker Narciso Ramos ken educator Angela Valdez.
Nagturpos daytoy iti military engineering degree iti US Military Academy at West Point.
Ni Ramos ket maysa pay a veteran a nagserbi iti Korean ken Vietnam wars.
Pimmusay ni Ramos idi Hulyo 31 iti tawen na a 94.
Kabayatanna, nagyaman met ti dati a First Lady ken asawa ni Ramos a ni Amelita Ramos ken linagip na ti nagbalin a biag ti dati a presidente.
