LAOAG CITY – Dimmawat ti pammakawan ni dati a treasurer Lucky Jay Salmasan iti Brgy. Cabungaan-A ditoy ciudad ti Laoag iti pamilya ni suspended Brgy. Chairman Marilyn Resquir.
Kunana a mababain unay iti kapitan kalpasan a nasuspenso manen ti uppat a bulan malaksid ti immune-unan a pannakaipataw ti preventive suspension kenkuana iti dua a bulan.
Inadmitir ni Salmasan nga isuna ti nagpirma iti dokumento tapnu mairuar ti nasurok 250 a ribo a pisos a pondo ti barangay ken alaen dagiti inyabunar na a bayad kuryente ken nausar para fiesta.
Innayo na a ginundawayan na ti panagtalek ti kapitan kenkuana.
Maipalagip a naipataw ti uppat a bulan a suspensyon kenni Resquir kalpasan a nagdesisyon ti Sang. Panlungsod gapo ta naduktalan nga administratively liable daytoy babaen kadagiti naipresentar nga ebidensya.
