LAOAG CITY – Pimmusayen ti dati nga Archbishop ti Washington a ni Theodore McCarrick iti tawenna a 94.
Kinumpirmaran daytoy ti nangsukat kenkuana a ni Cardinal Robert McElroy.
Naammoan a gapu iti kinataeng ken kinapsot iti salun-at ti maitudtudo a rason iti pannakatay ni McCarrick.
Mainaig iti daytoy, ti dati nga arsobispo ti Washington ket nagikkat iti College of Cardinals idi 2018 gapu iti alegasion ti panangabuso kadagiti menor de edad.
Kabayatanna, tawen 2019 idi inikkatda kas padi ti Vatican kalpasan a napaneknekan a guilty iti nasao a kaso.
