LAOAG CITY – Manamnama nga agpaut ti oil price hikes gapu iti gubat iti Middle East agingga iti katapusan ti 2026 basar iti Department of Energy (DOE).
Inlawlawag ni Department of Energy Oil Industry Management Bureau Director Rino Abad a nakabasbassit wenno awan dagiti makadaldalyasat a barko iti Strait of Hormuz gapu iti naiget a blockade ti United States Navy iti baet ti maipatpatungpal a ceasefire iti nagbaetan ti Estados Unidos, Israel ken Iran.
Inbatadna a mangnamnamada nga agtultuloy ti indefinite ceasefire ken mapalubosan a makadalyasat ti oil tankers tapno ad-adda a maipababa pay ti presio ti langis.
Kuna ni Abad, ti ceasefire iti nagbaetan ti agsinnungbangir a takder ket ideal gapu ta no adda ti peace deal, mabalin nga agsubli ti presio iti pre-crisis level.
Nupay kasta, inpettengna a no agpaut ket umabot pay daytoy agingga iti katapusan iti agdama a tawen.
