LAOAG CITY – Ikonkonsiderar ti Department of Energy (DOE) ti dakdakkel a paset ti Zamboanga a pakaipasdekan ti storage facilty a kabaelanna a maka-store ti 50 million barrel ti langis.
Segun ken ni Department of Energy Undersecretary Alessandro Sales, nakipagtaripnongda iti Abu Dhabi National Oil Company (ADNOC) ken ti Aramco ti Saudi Arabia mainaig iti nasao nga oil facility.
Maipalagip nga addan ti manarimaan a proposal para iti Aramco oil facility a sakupen ti property owned by state-run Philippine National Oil Co. (PNOC) iti probinsiya ti Bataan.
Iti baet daytoy, inpetteng ti Department of Energy a kasapulan ti 500 nga ektarya ti daga para iti 50 million a bariles no sadinno ket adayo daytoy manipud iti 150 nga ektarya a kabaelan laeng ti propose Bataan site.
Gapu iti daytoy, inlawlawag ti departamento nga aktiboda nga agbirbirok ti alternatibo a lugar nga addaan ti nalalawa a daga a pangipasdekan ti oil facility kas iti Zamboanga
