Inpakdaar ti Department of Health (DOH) ti dakkel a posibilidad a makapasar ti heat stroke gapu ta ngumatngato ti temperatura ken nagpalagip iti publiko nga agtalinaed nga alerto ken siguraduen a well-hydrated.
Inlawlawag ni Department of Health Assistant Secretary ken spokesperson Albert Domingo ti kinapateg ti “thermoregulation” tapno malapdan ti heat stroke.
Inpakaammo ni Domingo a dagiti gagangay a sintoma ti heat stroke ket pakairamanan ti pannakapukaw ti puot, pannaka-ulaw, ken atake ti puso.
Kabayatanna, dinakamat ni Domingo ti kalalainganna a kita ti sakit a mainaig iti pudot, ti heat cramps, a maiparangarang kas panagkigtot ti piskel gapu iti dehydration ken overheating.
