LAOAG CITY – Resrespetaren ti Department of Justice (DOJ) ti tignay ti Interpol.
Daytoy ti inpakammu ni Department of Justice Secretary Jesus Crispin Remulla mainaig iti imbestigasion ti International Criminal Court (ICC) seknan iti war on drugs campaign ti immun-una nga administrasion.
Segun ken ni Remulla, saan a maibilang a negosio ti saritaan tapno adda manglapped iti Interpol.
Kinunana a mabalin a kiddawen ti International Criminal Court ti Interpol nga ipatungpal ti pammilin.
Kabayatanna, pinasingkedanna pay nga adda kiddaw ti piskal iti International Criminal Court a manginterbiu kadagiti nangato ti ranggona a pulisya nga ‘under suspicion’ para iti daytoy a kampania.
Iti agdama, saanda pay a nagsaritaan kenn ni Presidente Bong Bong Marcos seknana ti anggulo ti Interpol iti imbestigasion ti international court.
