LAOAG CITY – Nagpanawagan ti Department of Foreign Affairs (DFA) iti China nga isardengen ti panagtagikua iti Panganiban ken Subi Reef iti West Philippine Sea.
Basar iti ahensia a dagitoy ket nalawag a sakop ti Philippine exclusive economic zone (EEZ) ken nakalaon iti United Nations Convention on the Law of the Sea (UNCLOS) basar iti 2016 Arbitral Award.
Inpetteng ti Department of Foreign Affairs ti panangipasdek ti isla ti China ket panaglabsing iti Philippine Maritime Zones Act ken United Nations Convention on the Law of the Sea (UNCLOS).
Daytoy ket kasaruno ti inaramid ti People’s Liberation Army (PLA) a panangiyuswat ti sumagmamano a flares kontra iti eroplano ti Philippine Coast Guard (PCG) a mangiaysayangkat ti maritime domain awareness flights idi Lunes, Setiembre 7.
Mainaig iti daytoy, nangisayangkat dagiti Chinese forces nga agtagikua iti Panganiban ken Zamora Reefs ti radio challenge iti eroplano ti pagilian sakbay ti panag-land iti Pag-asa Island.
