LAOAG CITY – Naglikudan ni Dr. Elicanio Tumaneng, chief of Hospital iti Dingras District Hopsital idiay Dingras Ilocos Norte seknan ti maipagarop a saan na a dagus a tinaming ti naitaray a biktima ti desgrasya iti paset ti Brgy. Suyo iti nasao nga ili.
Immuna iti daytoy, inreklamo ti anak ti pasyente a ni Celedonio Conception iti Bombo Radyo ti ospital a saan a tinaming ti nasao a doktor ti ama na.
Segun kenni Tumaneng, dagus na a tinaming ti pasyente ken dinait na pay ti likod ti ulo ni Conception.
Inlawlawag na a naibaga pay kadagiti otoridad a maiyakar ti pasyente ngem idi saraken nan daytoy ket addan iti istasyon ti pulisya.
Inbatad na a kalikagom na a maiyakar ti pasyente gapo ta delikado ti sugat ti ulo na.
Maipalagip a natay ni Conception kalpasan a nakidinnungpar ti inturong na a traysikel iti maysa a kurong-kurong iti nasao a barangay idi Abril 13, 2018.
