LAOAG CITY – Inpaganetget ni PBGen. Jovencio Badua Jr., Acting Regional Director ti Police Regional Office 1 a disiplina ti kangrunaan a kasapulan ti maysa a pulis kabayatan ti panagtrabahona.
Inaramid daytoy a rakurak ti Acting Regional Director kalpasan nga adda ti sumagmamano a pulis ti nairamraman kadagiti nagduduma nga insidente iti kallabes.
Gapu iti daytoy, inlawlawagna a masapul nga agari latta ti disiplina iti maysa a pulis uray naka-day off dagitoy tapno saan a madungritan ti imahe ti kapulisan.
Kunana a nasken nga agbalin nga alerto dagiti pulis sadinno man a lugar ti agdama nga ayanda tapno alisto dagitoy a makaresponde kadagiti mapaspasamak iti maysa a lugar.
Innayonna nga ad-adda pay a paigetanda ti pannakikammayetda kadagiti komunidad tapno al-alisto a masolbar dagiti nagduduma a krimen.
