Insagana ni Novak Djokovic ti estratehiana a mangsango iti baro a henerasion dagiti tennis players babaen iti tulong ti baro a coachna a ni Andy Murray.
Kasaruno ti pannakangabak na iti Paris Olympics idi 2024, plano ni Djokovic dagiti addang a lumaban kontra ken ni Jannik Sinner, agtawen ti 23 a top-ranked player, ken ni Carlos Alcaraz, a nangabak iti dua a Grand Slam idi napan a tawen.
Kalpasan ti umuna a panagballigina iti Brisbane International, kuna ni Djokovic nga agtitinnulongda ken Murray a mang-analisar iti ay-ayam dagiti ub-ubing a kalabanna kas panagsagana para iti Australian Open inton Enero 12.
Kabayatanna, target ti 37 nga umaayam a magun-od ti maika-100 ATP title na ken ti maysa a rekord iti maika-25 Grand Slam idiay Melbourne, nga iggemna ti 10 a kampeonato.
