LAOAG CITY – Inpasigurado ti Department of Energy (DOE) ti umdas a suplay ti kuriente ita nga Holy Week. Kagiddan daytoy ti panagdudupudop dagiti motorista kadagiti probinsia.
Nakikoordinar ti Department of Energy kadagiti energy company tapno masigurado ti suplay ti kuriente ken dagiti merkado ti langis tapno maiyurnos ti operasionda ita nga holiday season no sadinno a nagyaman ni Energy Secretary Raphael P.M. Lotilla,
Iti panagtataripnong ti ahensia kadagiti power generation companies ken electric cooperatives, inpasigurado dagitoy a masolbar dagiti kasapulan ti kuriente kadagiti nagduduma a lugar iti pagilian a masansan a pagturturongan dagiti turista.
Malaksid iti daytoy, nakasagana met ti contingency plan ti Department of Energy para kadagiti posible a problema iti suplay ti kuriente.
Nakikoordinar pay ti ahensia kadagiti petroleum retailers tapno siguradoen ti imbentario ti gasolina ken serbisio kadagiti kangrunaan nga highway idinto a naiyalud-od met ti operation hours dagiti paggasolinaan tapno masolbar ti ngimmato a demand.
