LAOAG CITY – Nagpannawagan ti Department of Energy para iti pannakapapigsa ti energy sector ken ti suporta ti nagduduma nga ahensia para iti patas ken nalaka a suplay ti koryente para kadagiti konsumers.
Inbatad ni Energy Secretary Sharon Garin a nangiyisyu da ti show-cause orders iti nagduduma a generation companies a napaay a nagisubmitir ti napateg a reports.
Kunana nga adda dagiti follow-ups a maiyususwat kadagiti saan pay a simmurot iti pagalagadan.
Inpettengna a kasapulan a sumurot ken agsungbat amin nga stakeholders kas ti generation, transmission, ken distribution firms.
Daytoy ket kas paset ti kalikagum a mapangato ti bingay ti renewable energy (RE) iti pakabuklan ti generation mix ti pagilian iti 35 a porsiento iti 2030 ken 40 a porsiento inton 2040.
