LAOAG CITY – Nangisayangkat ti week-long infection prevention and control (IPC) activity manipud iti Hulio 8 agingga 12 kadagit ospital ken treatment centers ti Department of Health (DOH) iti Ilocos region kadagiti nagduduma a lugar kas paset ti selebrasion ti “Infection Prevention Control Week” a nakasentro iti kinapateg ti panangliklik iti panagwaras ti sakit.
Karaman kadagiti nakipaset ti Treatment and Rehabilitation Center – Dagupan (TRC-Dagupan), Treatment and Rehabilitation Center – La Union (TRC-La Union), Ilocos Treatment and Regional Medical Center (ITRMC), Region 1 Medical Center (R1MC) ken ti Mariano Marcos Memorial Hospital and Medical Center (MMMHMC).
Target ti aktibidad dagiti pagadalan ken dagiti komunidad pakairamanan ti drug treatment ken rehabilitation facilities ken persons deprived of liberty (PDLs) tapno ad-adda pay a maitandudo kadakuada ti kinapateg iti pannanakataripato ti salun-at.
Tinalantan dagiti propesional iti salun-at ti umiso a wagas ti panagugas ti ima ken nangipaay ti napapateg nga impormasion no kaano ken mano a daras ti panagbuggo ti ima.
