LAOAG CITY – Impasigurado ti Department of Health (DOH) Ilocos Center for Health Development (CHD) ti naigiget a health monitoring ken response operations bayat iti southwest monsoon (habagat) a nakaapektar kadagiti lugar iti nagduduma a paset ti rehiyon.
Segun ken ni Department of Health Ilocos Regional Director, Doctor Helen D. Tobias, ti pananipasiguradona iti publiko nga agtaltalinaed ti operasion ti emergency response teams, medical personnel ken critical health supplies.
Malaksid kadagitoy, innayonna pay dagiti naruay nga agas, first-aid supplies, hygiene kits ken water purification tablets.
Mainaig iti daytoy, binallaagan ni Tobias ti publiko nga agtalinaed a vigilante kontra iti “WILD” diseases a kanayon a mapaspasaran itim panagtutudo aglalo kadagiti lugar a malaylayus.
