LAOAG CITY – Ginutigot ti pamilya dagiti mapukpukaw a mammallot ti Department of Justice (DOJ) nga ikonsiderar da a balbaliw nga ipila ti naibasuran a reklamo kontra iti aktres a ni Gretchen Barretto, retired National Capital Region Police chief Jonnel Estomo, ken dadduma pay.
Iti partial motion for reconsideration, kiniddaw a iti Department of Justice a kasoan ti anak ken kabagyan da Barretto, Estomo, ken ti negosyante a ni Atong Ang para iti kidnapping with homicide, ken ti kidnapping and serious illegal detention.
Inpetteng ti maysa kadagiti complainant ken partner ti mapukpukkaw a mammallot a ni John Claude Inonog, a mamati da nga agkakakunsabo dagiti maseknan isut gapuna a rumbeng nga agsugbat da.
Maipalagip nga idi Disyembre 2025, ti panel ti prosecutors ket nakabiruk ti prima facie nga ebidensya nga addaan ti natibker a rason tapno makunviktaran ni Ang ken 21 a sabsabali pay iti kidnapping with homicide ken ti kidnapping with serious illegal detention.
Nupay kasta, iti isu met laeng a resolusyon, naduktalan a ti ebidensya kontra iti maaw-awagan ti Pitmaster Alpha Group, a maipagarop a pakairamanan ni Barretto ket maibilang kas sayangguseng ken awan pammaneknek.
Nadakamat pay a ti alegasyon kontra kadagiti annak ken kabagyan ni Ang ket uniform ken generalized.
