LAOAG CITY – Saan nga umanamong ti Dept. of Labor and Employment (DOLE) ditoy probinsya iti lungalong ni Ako Partylist Rep. Jose Bonito Singson a House Bill 4802 wenno ti dua a tawen a probationary period para kadagiti mangmangged.
Segun kenni Ms. Fresnaida Gundam, mangidadaulo ti nasao nga ahensya, ti nasao a gakat ket mailabsing iti linteg a mangted seguridad ti pannaka-empleo wenno ti Security of Tenure.
Inlawlawag na nga agbalin a nakakaasi dagiti empleado no maipatungpal ti nasao a gakat.
Inbatad na nga ayaman nga oras iti uneg ti 24 a bulan ket mabalin a maawanan ti trabaho dagiti empelado.
Sinungbatan pay ni Gundam ti nagbalin a depensa ni Singson a malimitaran ti karbengan dagiti employer a makaala ti quality employees.
Kunana na nga umanayen ti innem a bulan tapno makasursuro a nalaing dagiti empleado tapno agbalin nga skilled employees partikular kadagiti adda iti fast food chains ken malls.
Innayon na a babaen iti 2-year probationary period ket mabalin nga agresulta ti panagbaba ti employment rate ditoy pagilyan.
Kabayatanna, saan a pabor ni Mr. Robin Fagaragan, empleyado ti maysa kadagiti call centers iti ili ti San Nicolas seknan ti pannakaiyatiddog ti probationary period manipod innem a bulan ken agbalin a 24 a bulan wenno dua a tawen.
Ummuna iti daytoy,adda ti main-inaw a linteg a mangamendar ti Labor Code of the Philippines a ti probationary period ket mapagbalin dua a tawen manipud ti innem a bulan nga iti agdama ket ipatpatungpal ti nagduduma a pasdek negosyo ditoy pagilyan.
Inlawlawag ni Fagaragan no apay a saan a sakop ti nasao a gakat nupay maipatungpal daytoy ken inbatad na a dehado dagiti newbees wenno dagiti mangrugi pay laeng no dua a tawen ti panagbalin da a probee’s gapo ta adda dagiti benepisyo a maal-ala da kas iti regular employee’s no ikumpara kadagiti empleado a sakop ti nasao nga probationary period.
Inbatad na nga ti agdama ket saan nga entitled dagiti empleado a maipromote iti nangatngato a posisyon dagiti adda iti pribado a kompanya.
Kunana nga adda dagiti baro nga empleado a potensyal a mabalin nga adda iti nangatngato a posisyon ket no dua a tawen ti urayen da ket mabalin makaapektar ti performance da kas empleado.
Innayon na a mabalin latta a mangikkat dagiti employers basar iti bukod da a disposisyon kadagiti empleado anyaman nga oras
