LAOAG CITY – Pinaigetan ti Department of Labor and Employment (DOLE) ti nakappia a panangiyurnos kadagiti labor dispute maiyataday iti gagem ti administrasion ni Presidente Ferdinand Marcos Jr. nga itandudo ti naiget a pannakikoordinar kadagiti mangmangged ken employer ken papigsaen ti produktibidad.
Basar iti March 2026 report ti NCMB, 8,523 a mangmangged ti nakaawat ti P1.5 bilyon a benepisio kalpasan a masolbar dagiti kaso dagitoy.
Ipakpakita daytoy ti epektibo a conciliation, mediation ken voluntary arbitration ti Department of Labor and Employment kas napaspas ken nalaka nga alternatibo iti korte.
Iti babaen ti Single-Entry Approach (SEnA), umabot iti 1,168 Requests for Assistance ti nasolbar iti 80% settlement rate.
Nakaala ti P81.7 milyon ti 1,392 a mangmangged.
Iti uneg ti 30 nga aldaw, alisto ken patas nga iyur-urnos dagitit isyu sakbay pay a kumaro.
