LAOAG CITY – Nagpalagip ti Department of Labor and Employment (DOLE) kadagiti mangmangged a nagsagaba ti work-related injuries a mabalinda nga ag-avail ti konpesasion iti baet ti iduduprak dagiti bagyo iti pagilian.
Iti salinong ti Employees’ Compensation Program ti Employees’ Compensation Commission (ECC), nabukel daytoy tapno protektaran dagiti mangmangged.
Segun ken ni Employees’ Compensation Commission (ECC) Executive Director Kaima Velasquez, nakaipalaon iti kompensasion a saan laeng iti limitado a panawen nga adda iti lugar ti trabaho.
Ti naasao a tulong pinansial ket agbalin daytoy a kasukat iti sueldo dagiti mangmangged gapu iti saanda panagserrek iti trabaho gapu iti job-related accidents wenno panag-sakitda, agingga nga aglaingda ken makasublida iti normal iti trabahoda.
Malaksid iti daytoy, mabalin pay nga agkiddaw dagiti pribado nga empleado ti kapada a benepisio babaen ti panangipilada ti claims iti Social Security System (SSS) ken idinto a dagiti agtrabtrabaho iti gobierno ket mabalinda nga ag-file ti claims iti Government Service Insurance System (GSIS).
