LAOAG CITY – Inpakammo ni Mr. Justine Paul Marbella, ti Communication Officer ti Department of Labor and Employment (DOLE) Region 1 a maitultuloy ti TUPAD programa a napaneknekan a dakkel ti tulong na.
Segun kenni Marbella, masapol met a dagiti otorisado nga agpili no siasinno ti agbalin a benipisyaryo ket alaen na dagiti pudno nga agkasapulan, saan ket nga agbasar no siasinno ti kakadua na iti barangay ken dadduma pay.
Inpetteng na pay nga iti isyu met it pannakaited ti sweldo, masapol a no mano nga aldaw ti panagtrabaho ti benipisyaryo ket maited no sadinno ket 370 a pisos iti kada aldaw.
Inlawlawag manen ni Marbella a dagiti opisyales ti barangay ket saan a rumbeng nga agbenipisyaryo ngem dagiti asawa dagitoy ket mabalin no laketdi kwalipikado dagitoy iti nasao a programa.
Mainaig iti daytoy, kunana a maminsan laeng iti makatawen a ti panagbalin a benipisyaryo ti maysa a bumarangay ken no bilang man adda ti maikadua a basnada iti isu met laeng a tawen ket rumbeng laeng dagiti saan pay a napili ti prayoridad.
