LAOAG CITY – Nasuspenso ti domestic ken international flights idiay Qatar gapu iti missile attack ti Iran.
Segun ken ni Bombo International News Correspondent Lawrence Valmonte manipud idiay Qatar, sinuspenso pay ti gobierno ti Qatar ti serrek kadagiti amin a pampubliko ken pribado a pagadalan.
Inbatadna nga awan met ti rakurak ti gobierno ti Qatar no awan met ti trabaho dagiti empleado iti gobierno pakairamanan kadagiti agpapaay iti pribado a sektor.
Inlawlawagna a natamaan ti debris ti inwayat a missile attack ti Iran iti maysa nga ospital ti Qatar.
Nupay kasta, kunana nga awan ti naipadamag a nadangran gapu iti napasamak.
Kabayatanna, inabisoan ti Philippine Embassy dagiti Pilipino nga agbalin a naridam ken agbiruk ti nataltalged a lugar a pagtalinaedanda.
